Oficerët e policisë në Portland, SHBA, u gjunjëzuan përpara një demonstrate mbi vdekjen e George Floyd, duke marrë duartrokitjet e qytetarëve dhe duke krijuar një atmosferë uniteti me turmën.
Çasti u kap me video ku tregohet një grumbullim i madh protestuesish paqësorë, të cilët përballen me një grup oficerësh të policisë në Portland. Linja e oficerëve u pa duke u gjunjëzuar para demonstruesve, me sa duket në solidaritet me kauzën e tyre.
Turma iu përgjigj pozitivisht gjestit, me disa duke u gjunjëzuar gjithashtu, ndërsa të tjerët shtrënguan duart.
Oficerët e Portland nuk ishin të parët që u solidarizuan me protestuesit. Të dielën, një sherif qarku në Michigan u bashkua me demonstruesit në qarkun Genesee, duke i siguruar ata që policia atje është në anën e publikut.
