Kryetarja e Kuvendit të Kosovës, Vjosa Osmani, është shprehur kundër qeverisë së re të Kosovës.
Ajo u shpreh hapur sot duke thënë se qeveria e re varet nga votat e Listës Serbe dhe se votat i janë siguruar nga presidenti Thaçi.
“Kjo qeveri varet nga votat e Listës Serbe. Votën e 61-të ia siguroi presidenti Thaçi në kundërshtim me rolin e tij kushtetues, dhe kjo qeveri nuk mund të jetë përfaqësuese e vullnetit qytetar . Familja ime politike asnjëherë nuk ka qenë as nuk do të jetë Hashim Thaçi. Familja ime politike janë qytetarët e Kosovës.” – ka thënë Osmani para mediave.
Osmani u pyet nëse do vijojë të jetë kryetare e Kuvendit të Kosovës por nuk u përgjigj.
