Një automobilist i zemëruar u filmua duke u përballur me një grup protestuesish në SHBA, pasi ai i kërcënoi ata t’i godiste me mjete të mprehta, të ngjashme me ato që përdor aktori kryesor në filmin X-Men Wolverine.
Pamjet e incidentit që ndodhi në Queens, Nje Jurk, u bënë menjëherë virale më së shumti për shkak të armës së burrit.
Nuk ishte e qartë menjëherë se çfarë i parapriu grindjes, por automobilisti i inatosur në video akuzoi grupin për diçka para se të kthente mjetin e të dilte duke i kërcënuar e duke u thënë se kishin ardhur në lagjen e gabuar.
Pas përballjes në rrugë, burri u kthye në SUV-në e tij dhe u fut në trotuar në një përpjekje të dukshme për të goditur protestuesit, të cilët shpëtuan duke u larguar në panik. Askush nuk u lëndua gjatë përleshjes.
