Një marshim në Londër në solidaritet me vdekjen e afro-amerikanit George Floyd në SHBA, u kthye i dhunshëm kur protestuesit u përleshën me policinë pranë zyrave të kryeministrit të Mbretërisë së Bashkuar.
Tubimi masiv u mbajt në kryeqytetin britanik të mërkurën, me mijëra protestues që marshuan nëpër Londër për të dënuar racizmin dhe brutalitetin e policisë.
Përveç thirrjeve të solidaritetit me afro-amerikanët në SHBA, shumë nga protestuesit londinezë kishin thirrje kundër kryeministrit Johnson e presidentit amerikan, Trump.
