Barcelona nuk ka ndërmend të heqë dorë nga Lautaro Martinez, tani që ka gjetur marrëveshjen me lojtarin për 5 sezonet e ardhshme për një shumë prej 12 milionë eurosh në sezon.
Sipas katalanases ‘El Mundo Deportivo’, klubi spanjoll i ka ofruar Interit shumë prej 70 milionë eurosh plus kartonin e mbrojtësit Junior Firpo, të cilin e vlerëson 41 milionë euro për të arritur kështu shumën prej 111 milionësh eurosh për prishjen e klauzolës së Martinezit me Interin.
Megjithatë sipas Sportmediaset, Interi nuk do e pranojë këtë ofertë të fundit të Barcelonës por është i hapur për marrveshje nëse ekipi spanjoll e rrit edhe me 20 milionë euro të tjera ofertën duke e çuar në 90 milionë plus ndonjë lojtar katalanas.
