Google ka hequr aplikacionin për Android që ka ndihmuar njerëzit të fshinin aplikacionet e krijuara në Kinë, shkruan BBC.
“Remove China Apps” ishte shkarkuar më tepër se një milion herë në dhjetë ditët e para të publikimit. Doli veçanërisht i popullarizuar në Indi, ku tensionet me Kinën janë të larta për shkak të mosmarrëveshjeve kufitare në Himalajet.
Google ka thënë se aplikacioni ka shkelur rregullat e shitjes së aplikacioneve të saj, por nuk ka dhënë detaje tjera.
Softueri ishte zhvilluar nga firma nga India “One Touch AppLabas”.
Në faqen e vet firma nga India ka shkruar: “Të dashur miq, Google ka hequr Remove China Apps nga Google Play Store. Faleminderit për gjithë përkrahjen e juaj gjatë dy javëve të fundit. Ishit të jashtëzakonshëm”.
Aplikacioni ka shënjestruar faqen e rrjeteve sociale TikTok, që është në pronë të Bytedancet me seli në Pekin. Po ashtu edhe platformën e video-konferencave Zoom, që ka seli në Kaliforni, por është themeluar nga një sipërmarrës i lindur në Kinë.
Mirëpo, nuk ka qenë në gjendje të zbulojë aplikacionet të instaluara më herët në smartfonët e prodhuar në Kinë.
