Një 20-vjeçar i cili punonte si kamarier në një lokal në Korçë është arrestuar nga policia ndërsa është shpallur në kërkim pronari.
Ndalimi u bë pasi në lokal u gjetën kompjutera të cilët përdoreshin për lojëra fati në kundërshtim me ligjin.
“Gjatë kontrollit të ushtruar nga policia në lokalin e 43-vjeçarit, në lagjen nr. 8, Korçë, iu gjetën dhe sekuestruan në cilësinë e provës njësi kompjuterike dhe monitorë, të cilët dyshohet se shërbenin për lojra fati të palejuara. Si edhe nga verifikimet e kryera rezultoi se shtetasi R. K., kamarier në këtë lokal, ishte i pasiguruar pranë organeve tatimore”-thuhet ndër të tjera në njoftimin e policisë.
Njoftimi i plotë:
Ushtronte aktivitetin e paligjshëm të lojrave të fatit dhe mbante të pasiguruar një punonjës, shpallet në kërkim pronari i një lokali dhe arrestohet në flagrancë punëtori i tij.
Sekuestrohen në cilësinë e provës materiale njësi kompjuterike dhe monitorë.
Në vijim të punës për evidentimin dhe ndëshkimin e personave që vijojnë ende të ushtrojnë aktivitetin e kundërligjshëm të lojërave të fatit, specialistët për hetimin e krimit ekonomik-financiar në DVP-Korçë bënë arrestimin në flagrancë të shtetasit R. K., 20 vjeç, si edhe shpallën në kërkim e po punojnë për kapjen e shtetasit M. D., 43 vjeç, banues në Korçë.
Gjatë kontrollit të ushtruar nga policia në lokalin e 43-vjeçarit, në lagjen nr. 8, Korçë, iu gjetën dhe sekuestruan në cilësinë e provës njësi kompjuterike dhe monitorë, të cilët dyshohet se shërbenin për lojra fati të palejuara. Si edhe nga verifikimet e kryera rezultoi se shtetasi R. K., kamarier në këtë lokal, ishte i pasiguruar pranë organeve tatimore.
Materialet në ngarkim të tyre i kaluan Prokurorisë Pranë Gjykatës së Shkallës së Parë Korçë për veprat penale “Fshehja e të ardhurave”, “Organizimi ose ushtrimi i veprimtarive të lojërave të fatit në kundërshtim me ligjin” dhe “Punësimi i paligjshëm”.
