Kryetarja e Lëvizjes Socialiste për Integrim, Monika Kryemadhi, në një intervistë për emisionin “Real Story”, komentoi arritjen e marrëveshjes për “zgjedhoren” mes partive politike.
Sipas Kryemadhit nuk është arrit ndonjë gjë e madhe që sipas saj ky draft nuk e ç’tensionon situatën politike në të cilën gjendet vendi.
“E para nuk është se është arritur ndonjë gjë e madhe, që është bërë zbulimi i shekullit. Çështja e Reformës Zgjedhore është një nga kushtet e BE për negociatat. Në këto kushte është dhe opozita pjesë e dakordësisë, për miratimin e Reformës me konsensusin e gjithë palëve.
Ne mundohemi të themi është ndonjë gjë, është vetëm një draft i administrimit zgjedhor, që nuk është një arritje e madhe, nuk është arritje për opozitën. Sepse nuk është fitore, duhej bërë me kohë. Identifikimi biometrik pastaj ka të bëjë me shenjat e gishtave, vendosjen e tyre si në pikat kufitare. Pra shmang mbushjen e kutive në komuna që nuk jeton njeri. S’mund të them votën familjare, pasi kur kryefamiljari detyron familjen nuk ke çfarë i bën. Por në Orenj të Librazhdit për shembull ku janë 3500 zgjedhës dhe nuk jeton njeri, madje edhe dhelprat me ujqërit nuk janë. Apo si rasti i Krujës me 600 emigrantë. Pra s’mund të lejosh komisionerët të mbyllin dyert dhe të mbushin kufijtë.
Nuk ç’tensionohet situata me një draft, por me xhepat e shqiptarëve duke u dhënë atë që u takon. Pozitivja është se doli Rama zbuluar me kapjen e komisioneve dhe administratën zgjedhore, dhe më pas u tërhoq duke pranuar komisionet e vjetra, dhe kjo dakordësi u dha dhe nga BE.
Për zgjedhjet lokale dhe të përgjithshme të ardhshme do të jenë këto komisione. Humbja e popullaritetit të Rilindjes është e madhe. Mendoj që do ishte një pozitive, pasi krijon një dritë jeshile për BE që në njëfarë mënyrë kur ka një logjikë dhe ulet bashkëbisedim shumë të fort, shumë me nota të ashpra teknikalitetesh.”- tha Kryemadhi.
