Organizata Botërore e Shëndetit paralajmëroi se pandemia globale e Covid-19 po ‘përkeqësohej’.
OBSH-ja e lëshoi paralajmërimin e saj pasi Moska hoqi kufizimet lidhur me Covid-19. Me më shumë se 485,000 raste, Rusia ka numrin e tretë më të lartë të infeksioneve pas SHBA-ve e Brazilit.
Drejtori i Përgjithshëm, Tedros Adhanom Ghebreyesus, tha se rreth 136,000 raste ishin raportuar në 24 orët e fundit me shumicën e tyre në Amerikë dhe Azinë e Jugut.
“Megjithëse situata në Evropë po përmirësohet, globalisht po keqësohet,” u tha ai gazetarëve.
Tedros tha se në vendet ku situata po përmirësohej, ‘kërcënimi më i madh tani është vetëkënaqësia’, duke shtuar ‘shumica e njerëzve në nivel global janë akoma të ndjeshëm ndaj infeksionit’.
