Drejtori i përgjithshëm i Policisë së Shtetit, Ardi Veliu, ka firmosur një urdhër për të bërë gjashtë ndryshime në kupolën e policisë së shtetit.
Urdhri i Veliut prek disa drejtori në Tiranë, Korçë dhe Gjirokastër. Kjo lëvizje vjen pas pezullimit nga detyra të Enkeleda Toskës, nga drejtimi i Drejtorisë së Kufirit dhe Migracionit në Tiranë, pas akuzave se ajo është implikuar në trafikun e paligjshëm të arabëve.
Me urdhër të Veliut, 6 drejtorë do të ndryshojnë pozicionin e tyre, ndërsa ka shkarkuar nga detyra drejtorin e Policisë së Korçës, Lorenc Paganika.
Lëvizjet:
-Ferdinad Mara nga kabineti i drejtorit të përgjithshëm shkon drejtor i Policisë Korçë
-Neritan Nallbati nga drejtor i standardeve shkon drejtor policie në Berat
-Bledar Çeliku nga drejtor kundër trafikut dhe narkotikëve në Drejtorinë e Përgjithshme shkon drejtor policie në Fier
-Andon Marku ish-drejtor në Fier shkon drejtor kufiri në Korçë
-Drejtori i kufirit Korçë, Arben Joca shkon drejtor kufiri në Gjirokastër
-Arben Ibro emërohet drejtor kufiri në Tiranë
