Demonstruesit e krahut të djathtë kanë dalë në rrugët e Londrës, duke u zotuar të “mbrojnë” monumentet historike nga protestuesit e së majtës. Përplasja mes palëve çoi edhe në përplasje me policinë.
Pas ditëve të tëra trazirash që përfshijnë protesta kundër racizmit dhe brutalitetit të policisë lidhur me vdekjen e George Floyd në SHBA, grupet e krahut të djathtë dolën në rrugët e Londrës të shtunën.
Monumente të shumta, disa të lidhura me të kaluarën koloniale të Britanisë, janë vandalizuar në Londër dhe gjetkë ditët e fundit.
Disa statuja, përfshirë një të ish-kryeministrit britanik Ëinston Churchill jashtë Parlamentit, janë vandalizuar nga protestuesit e për këtë arsye janë marrë në mbrojtje nga autoritetet.
Ndërsa demonstrata ishte paqësore për një kohë, disa protestues nisën të përplasen me policinë që ka pasur prani të shtuar ditet e fundit sidomos në qendër të kryeqytetit britanik.
Pamjet nga skena tregojnë një reporter me hundë të përgjakur që po largohet nga policia ndërsa protestuesit e fyejnë.
