UEFA ka përcaktuar datat e rifillimit të Championsit dhe Europa Leagues.
1/8 e Ligës së Kampionëve do të zhvillohet në 7 dhe 8 gusht në qytetet përkatëse – me ndeshjet e mbetura si Juventus – Lyon, Barcelona – Napoli, Manchester City – Real Madrid dhe Bayern – Chelsea.
Më pas, mes datës 12 dhe 23 gusht do të luhet ‘Final Eight’ në Lisbonë: çerekfinalet mes 12 dhe 15 dhe gjysmëfinalet mes 18-19. Finalja më 23 gusht 2020.
Liga e Evropës do të zhvillohet në Gjermani. Inter-Getafe dhe Roma-Sevilla në ndeshje teke, ndërsa të tjerat do të luajnë vetëm fazën e kthimit të 1/8-ave, në qytetet përkatëse.
‘Final Eight’ do të zhvillohet mes 10 dhe 21 gusht në 4 qytete gjermane: Duisburg, Gelsenkirchen, Frankfurt dhe Koln.
Superkupa e Evropës do të luhet në 24 shtator në Budapest.
