Presidenti serb Vuçiç tha të enjten se ai do të refuzojë anëtarësimin në Bashkimin Evropian për Serbinë, nëse nuk merr lëshime në këmbim të njohjes së Kosovës dhe heqjen e përpjekjeve për të ndaluar Prishtinën për t’u anëtarësuar në Kombet e Bashkuara.
Asnjë zgjidhje e marrëdhënieve të ardhshme të Serbisë me Kosovën nuk do të jetë e mundur pa miratimin e Moskës, tha Vuçiç pas takimit me Ministrin e Jashtëm rus, Lavrov në Beograd, sipas Reuters.
“Në përgjigje të një oferte të mundshme ndaj Serbisë për të njohur Kosovën dhe që Kosova të hyjë në Kombet e Bashkuara dhe ne nuk marrim asgjë në këmbim, përveç anëtarësimit në BE, përgjigjja jonë do të ishte negative.” – tha Vuçiç.
Vuçiç gjithashtu i kërkoi Rusisë të mbrojë Kishën Ortodokse në Ballkan, sipas TASS. Vizita e Lavrovit vjen tre ditë përpara zgjedhjeve parlamentare në Serbi.
Ai tha se Rusia do të mbështeste vetëm zgjidhje për çështjen e Kosovës të pranueshme për Beogradin dhe të aprovuara nga Këshilli i Sigurimit i Kombeve të Bashkuara, ku Moska ka veton.
