Kreu i PD-së, Basha, ka shkuar në Ambasadën Amerikane për të zhvilluar një takim me Yuri Kim.
Takimi ka nisur para pak çastesh e vjen teksa marrëveshja zgjedhore e dakordësuar pararakisht më 5 qershor ka ngecur në vendnumëro pavarësisht takimeve të shumta mes palëve.
Pika që ndan tani për tani PS-në e opozitën e bashkuar është KQZ-ja.
Ditën e djeshme, kryeministri Rama teksa fliste në Kuvend paralajmëroi opozitën që të ndalojë kërcënimet e sulmet ndaj PS-së pasi letra e marrëveshjes zgjedhore ishte shumë pranë grisjes.
