Një aksident i trefishtë ka ndodhur në Tiranë mbrëmjen e sotme.
Nga aksidenti i tre makinave janë plagosur dy shoferë të cilët janë dërguar në spital.
“Më datë 26.06.2020, rreth orës 19:46, në rrugën “Muhedin Llagami”, janë përfshirë në aksident mjetet me drejtues shtetasit K.K., L.B., dhe B.D. Si pasojë e përplasjes janë dëmtuar dy drejtues mjetesh shtetasit K.K dhe L.B., të cilët ndodhen në spital, nën kujdesin e mjekëve, ndërsa drejtuesi i mjetit B.D., ndodhet në vendngjarje.
Grupi hetimor ndodhet në vendngjarje dhe vijon punën për zbardhjen e plotë të rrethanave të ngjarjes”-thuhet në njoftimin e policisë.
