Ministri i Brendshëm Sandër Lleshaj u bën thirrje qytetarëve që të respektojnë rregullat e vendosura nga autoritetet shëndetësore, për frenimin e koronavirusit.
Gjatë fjalës së tij, Lleshaj tregoi se një miku i tij ishte infektuar me Covid.
“Nëse nuk mbajmë shifrat nën kontroll është një risk për ata që do të vendosin për të ardhur dhe zonat e kuqe njerëzit i shmangin, nuk niset njeri drejt një zone të kuqe.
Jam marrë gjithë mëngjesin me një mikun tim që nuk e besonte kurrë që mund ta kapte, por tani është në vështirësi vetë prej kësaj, është serioze dhe e rëndësishme që të bëjmë maksimumin, nuk po them të mbyllemi prapë, por ato minimume kujdesi duhet t’i bëjmë në mënyrë që të parandalojmë një riizolim, i cilo do të ishte mjaft më i rëndë se i pari”- tregoi Lleshaj.
Këtë deklaratë, Lleshaj e bëri gjatë një takimi në Peshkopi.
