Kryetari i Partisë Demokratike Lulzim Basha, ka reaguar përmes një postimi në “Twitter” lidhur me një raport të FMN-së që i propozon qeverisë shqiptare rikthimin e taksimit të sheshtë.
Basha thotë se kur ai do të vijë në pushtet, do ta bëjë realitet këtë duke rikthyer taksën e sheshtë.
“Taksimi Rama zbrazi xhepat e shqiptarëve, rriti çmimet, uli fuqinë blerëse, falimentoi bizneset dhe solli shkatërrimin e ekonomisë në çdo hallkë të saj.
Raporti i FMN mbështet atë që PD do bëjë realitet: taksimin e thjeshtë dhe transparent. Taksa e sheshtë 9% dhe plani ynë ekonomik do të inkurajojë investimet e brendshme dhe të huaja, do të nxisë punësimin dhe do të rrisë fuqinë blerëse. Shqipëria në punë, mirëqenia për shumicën dhe jo një pakicë, do të jetë realitet i prekshëm për të gjithë!”– shkruan Basha.
