Ndahet nga jeta i pari mjek për shkak të Covid-19 në Shqipëri. Ministria e Shëndetësisë ka njoftuar sot se është ndarë nga jeta profesori i Fakultetit të Mjekësisë Arjan Pushi.
Ministrja Ogerta Manastirliu ka reaguar për lajmin, duke i shprehur ngushëllime familjarëve dhe miqve të profesor Pushit.
“Ndarja nga jeta e Profesor Arjan Pushit është një dhimbje e madhe për familjen, për miqtë e tij, për kolegët, pedagogët e Universitetit të Mjekësisë ku ka shërbyer për shumë vite.
Kontributi i çmuar i Profesor Arjan Pushit për mjekësinë shqiptare, do të mbetet i pashlyeshëm ndër breza. Megjithë përpjekjet e kolegëve, të cilët bënë të pamundurën për ta mbajtur në jetë në spitalin infektiv, prof. Arjani nuk ia doli dot, në betejën me virusin e rrezikshëm. U prehsh në paqe Profesor Pushi”, shkruan ministrja Manastirliu.
