Deputetja Rudina Hajdari ka folur sot në një deklaratë për mediat, pas dorëzimit në Kuvend të draftit përfundimtar për ‘Reformën Zgjedhore’.
Ajo thotë se opozita parlamentare nuk është e përçarë lidhur me këtë çështje dhe se ata deputetë që duket se kanë ndërruar mendje në momentet e fundit, janë ftuar në dialog.
“Ne kemi një qëndrim të unifikuar që prej fillimit, opozita parlamentare pavarësisht se duket se janë disa individë nga lista të ndryshme sa i takon reformës zgjedhore, ata deputetë të opozitës e ndiejnë në kurrizin e tyre si partitë janë sjellë me ta, reforma zgjedhore është një moment për të treguar e provuar aftësitë e tyre para elektoratit e të mos jenë pre e mundësisë që të shkojnë te një kryetar partie e t’i luten për të pasur mundësinë të rikthehen në Parlament.
Mendoj që do ecin përpara, shumë deputetë kanë mundësinë të qëndrojnë të unifikuar sa i takon reformës zgjedhore, kemi takime të shpeshta, e deri më sot shohim shumë pak deputetë që janë duke ndërruar qëndrim, edhe ata që ndoshta në momentet e fundit duket sikur kanë ndryshuar qëndrim, i kemi bërë pjesë të debatit për t’i informuar çfarë po ndodh“– ka deklaruar Hajdari.
