Administrata Trump ndërmori një veprim drastik këtë javë për të luftuar një valë të dytë të mundshme të pandemisë Covid-19 në SHBA, duke blerë gati të gjithë furnizimin global të një trajtimi të ri të koronavirusit.
Administrata Trump siguroi më shumë se 500,000 doza remdesivir, një ilaç antiviral i prodhuar nga Gilead Sciences.
Telegrafi raportoi që blerja masive përfaqësonte tërë prodhimin e kompanisë për muajin korrik dhe 90% të prodhimit të prodhimit të kompanisë për muajin gusht dhe shtator.
“Presidenti Trump ka arritur një marrëveshje të mahnitshme për të siguruar që amerikanët të kenë qasje në terapinë e parë të autorizuar për COVID-19”, tha sekretari i HHS (Health and Human Services), Aleks Azar.
“Ne duam të sigurohemi që çdo pacient amerikan që ka nevojë për remdesivir të mund ta marrë atë. Administrata Trump po bën gjithçka për të mësuar më shumë rreth kurave të mundshme për COVID-19 dhe sigurimin e qasjes te mjekimet e mundshme për të gjithë amerikanët.” – shtoi ai.
Siç është raportuar nga Reuters, remdesivir ‘pritet të kërohet shumë në mbarë botën duke qenë se është një nga trajtimet e vetme deri më tani që është treguar se mund të ndryshojë rrjedhën e COVID-19’.
