Një pedagoge e universitetit të Gjirokastrës është konfirmuar me koronavirus. Kjo ka rritur shqetësimet lidhur me stafin pedagogjik dhe studentët.
Lidhur me këtë, zv/rektori Jaho Canaj ka folur për “Report TV”, ku ka deklaruar se pedagogia në fjalë është në gjendje të mirë dhe se janë marrë të gjitha masat për vetëkarantinimin e personave që kanë patur kontakt me të.
“Një prej kolegeve tona ka rezultuar pozitiv me koronavirus. Sapo është marrë ky njoftim, rektorati u mblodh dhe mori masat për të eliminuar përhapjen e koronavirusit. U morën informacionet kush ishin kontaktet e pedagoges, ishte një pedagoge dhe data e provimit të saj korrespondoi me 3 studentë sepse ishte provim i mbartur. Nuk ka vend për panik. Kolegia jonë është në gjendje të mirë shëndetësore. Është vetëizoluar në shtëpi dhe janë marrë masat për tu vetëkanrantinuar personat e kontaktit”, tha Canaj.
Zv/rektori shtoi se godina B ku gjendet fakulteti ekonomik është izoluar dhe është dezinfektuar i gjithë ambienti. Sipas tij auditorët do të jenë gati për 24 orë për të zhvilluar mësimin.
