Komisioneri për Zgjerimin në BE, Oliver Varhelyi është takuar sot kryenegociatorin e Shqipërisë, Zef Mazin. Ata kanë diskutuar për hapat e ardhshëm të vendit tonë në funksion të vendimit për hapjen e negociatave.
Varhelyi thekson rëndësinë që ka avancimi në reforma për këtë process.
“U takova me negociatorin e sapoemëruar të Shqipërisë për integrimin europian Zef Mazi këtë mëngjes për të diskutuar përgatitjet dhe hapat e ardhshëm në funksion të vendimit për hapjen e negociatave. Gjithashtu theksuam rëndësinë e përparimit në reforma.”– shkruan Komisioneri për Zgjerimin.
Zef Mazi është zgjedhur si kryenegociator i Shqipërisë në negociatat e vendit tonë për integrimin në Bashkimin Europian. Ai u prezantua zyrtarisht më 18 qershor nga kryeministri Edi Rama. Mazi tha se ndihej shumë i vlerësuar që ishte zgjedhur në këtë pozicion dhe se do të vepronte si avokati më i mirë për Shqipërinë.
