Lulzim Basha dhe Gazment Bardhi duke dalë nga Presidenca
Përfundon takimi në Presidencë mes presidentit Ilir Meta dhe kryetarit të opozitës Lulzim Basha. Asnjëri prej tyre nuk doli para kamerave për të zbuluar detajet e takimit që zgjati rreth 50 minuta.
Në takimin me presidentin, kryedemokrati u shoqërua nga sekretari i përgjithshëm i PD-së, Gazment Bardhi.
Ishte një takim i thirrur nga kreu i shtetit, Ilir Meta, në vazhdën e zhvillimeve politike lidhur me miratimin e ndryshimeve kushtetuese në Komisionin e Ligjeve për hapjes së listave dhe ndalimin e koalicioneve zgjedhore.
Kryedemokrati Lulzim Basha ishte i përpiktë dhe u paraqit në Presidencë disa minuta më para se ora të shënonte 11:00.
Si Meta, ashtu edhe Basha kishin reaguar më herët kundër miratimit të ndryshimeve kushtetuese në një kohë kur zgjedhjet janë vitin e ardhshëm.
