Një qytetar ka tentuar t’i japë fund jetës përpara godinës së Kryeministrisë.
Një 30- vjeçari ka tentuar të vetëdigjet para kryeministrisë në Tiranë duke lyer trupin me lëndë djegëse.
Patrulla më e afërt e Policisë ka ndërhyrë për të shpëtuar 30- vjeçarin, i cili është shoqëruar në komisariat. Ai ndodhej në gjendje të rënduar psikologjike.
Njoftimi i policisë:
Tiranë/Informacion paraprak
Më datë 18.07.2020, tek bulevardi “Dëshmorët e Kombit”, shtetasi U.K., 39 vjeç, mbante një shishe benzinë në dorë dhe dyshohet se kishte për qëllim të vetëdigjet. 39 vjeçari është shoqëruar nga Forcat e Posaçme “Shqiponja”.
Grupi hetimor dhe shërbimet e Policisë vijojnë punën për zbardhjen e plotë të rrethanave të ngjarjes.
