159 leje drejtimi janë pezulluar në mbarë vendin gjatë fundjavës ndërsa janë vendosur 4458 gjoba.
Njoftimi vjen nga policia rrugore lidhur me aksionin e saj gjatë fundjavës.
Sipas saj kontrollet do vijojnë edhe gjatë ditëve të javës ndërsa u bëhet thirrje qytetarëve që të zbatojnë rregullat e të denoncojnë në polici paligjshmëritë që vërejnë.
Njoftimi
“Gjatë fundjavës, në të gjithë vendin janë pezulluar 159 leje drejtimi, nga këto:
37 për drejtim mjeti nën ndikimin e alkoolit apo në gjendje të dehur,
94 për shpejtësi,
28 për qarkullim në sens të kundërt,
Po gjatë fundjavës janë arrestuar 28 drejtues mjetesh, nga këta:
13 për drejtim mjeti në gjendje të dehur,
15 për drejtim mjeti pa leje drejtimi,
Gjithashtu janë vendosur 4458 masa administrative, nga këto:
278 për mospërdorim të rripit të sigurimit,
308 për mosvendosje të kaskës mbrojtëse,
666 për përdorim të celularit gjatë drejtimit të mjetit,
238 për shpejtësi dhe manovra të rrezikshme në rrugë,
2011 për parkim të gabuar,
957 për shkelje të ndryshme.
Edhe gjatë javës shërbimet e Policisë Rrugore do vijojnë kontrollet në të gjitha rrugët urbane, interurbane dhe rurale me qëllim parandalimin e aksidenteve rrugore.
Policia Rrugore apelon për zbatim me rigorozitet të rregullave të qarkullimit rrugor dhe fton qytetarët që të denoncojnë të numrin 112 dhe Komisariatin Dixhital, çdo paligjshmëri, duke iu garantuar anonimat, reagim të menjëhershëm e të paanshëm.”
