Ka përfundruar mbledhja e Këshillit Politik pas një ore për të diskutuar çështjet e ndryshimeve në Kodin Zgjedhor dhe Kushtetutës.
Pas mbledhjes, përfaqësuesi i mazhorancës Damian Gjiknuri deklaroi se opozita e bashkuar nuk pranoi të diskutojë për ndryshimet kushtetuese.
“Unë propozova që të vazhdojmë diskutimin për hapjen e listave, fatkeqësisht opozita nuk pranon që të bisedojë për këtë çështje. Është shans i mirë që të diskutojmë para 30 korrikut, pasi procedura është në Kuvend dhe nuk e ndalojmë dot. PD-ja këmbëngul që të mos pranojë listat e hapura. Ne ishim të gatshëm të vazhdonim diskutimi për ndryshimet Kushtetuese”-tha Gjiknuri.
