Ish-deputetja e PD-së Grida Duma ironizon vendimin e kryeministrit Edi Rama i cili ka rikthyer në oborrin e kryeministrisë “Kërpudhën”, instalacionin e dëmtuar nga prostesta e opozitës më shumë se një vit më parë.
Duma shkruan se në këtë kohë pandemie, qeveria i kthen shpinën çdo problemi dhe merret me hobet personale të kryeministrit Rama.
“Në kohë pandemie, tërmeti, rrënimi ekonomik, pamundësisë për të mbijetuar duke emigruar, qeveria i kthen shpinën çdo problemi dhe merret me hobet personale”, shkruan Duma.
Kujtojmë se kryeministri Edi Rama shkruante me krenari, se kërpudha është rikthyer tek vendi i mëparshëm në Kryeministri dhe është 1 metër më e lartë se ç’ishte.
“Pas shkatërrimit të saj nga molotovarët e pranverës së shkuar, KËRPUDHA e artisit të mirënjohur bashkëkohor Carsten Holler, dhuruar prej tij nga koleksioni i famshëm i disa muzeve prestigjozë të botës, është rikthyer në vendin e vet 1 m më e lartë se ç’ishte.
Karakteristika e kësaj kërpudhe është se kur goditet rritet, kështu që kush e sulmon duhet ta mësojë se vetëm e lartëson”, shkruante Rama.
