Premierliga angleze ka ulur siparin me ndeshjet e ditës së sotme.
Me Liverpulin që ishte shpallur kampion para shumë javësh, gjithë gara ishte për pjesëmarrjen në Ligën e Kampionëve sezonin që vjen.
Leicester që ishte deri në fund në garë për vendin e tretë ose të katërt, u mund në fushën e tij nga rivalët e Manchester United duke dalë përfundimisht nga vallja e Ligës së Kampionëve për sezonin që vjen.
Chelsea nga ana e tij mori një fitore të rëndësishme që e katapultoi në vendin e katërt, gjë që i mundësoi pjesëmarrjen në fazën kualifikuese të Ligës së Kampionëve. Në Ligën e Europës do shkojnë Leicester e Tottenham.
