Qeveria amerikane ka rritur presionin ndaj kompanive europiane për të hedhur poshtë projektin e tubacionit të gazit Nord Stream 2 të udhëhequr nga Rusia, njoftoi ‘Welt am Sonntag’, duke përmendur njerëz të njohur me bisedimet mbi këtë çështje.
Sipas gazetës, zyrtarë nga Departamenti Amerikan i Shtetit, Departamenti i Thesarit, si dhe Departamenti i Energjisë iu afruan kontraktuesve evropianë për t’u siguruar që ata të kuptojnë plotësisht pasojat e qëndrimit në këtë projekt.
Deri në dhjetëra zyrtarë raportohet se kanë mbajtur të paktën dy konferenca në internet me përfaqësuesit e kompanive ditët e fundit.
Duke folur në një mënyrë ‘miqësore’, pala amerikane theksoi se dëshironte të parandalonte përfundimin e Nord Stream 2, thanë personat që morën pjesë në takimet online në internet.
“Unë besoj se kërcënimi është shumë, shumë serioz,” zbuloi njëri prej tyre për median gjermane.
Këto kërcënime janë në përputhje me komentet e Sekretarit të Shtetit të SHBA-ve, Mike Pompeo, javën e kaluar, në të cilën ai paralajmëroi se kompanitë e përfshira në projekt e kishin më mirë ‘të largohesin tani’ ose të rrezikonin të ndeshnin dënime sipas nenit 232 të Ligjit të Famshëm kundër Kundërvajtësve të Amerikës përmes sanksioneve ( CAATSA).
