Opozita e Bashkuar ka paraqitur në Këshillin Politik propozimin e saj lidhur me ndryshimet kushtetuese.
Në propozimin e saj Opozita e Bashkuar, ka kërkuar vetëm amendamentin për hapjen e listave në 100% të saj.
Ndërsa thekson se çdo ndryshim tjetër i njëanshëm është i papranueshëm dhe prish marrëveshjen e 5 qershorit.
Gjithashtu opozita ka kërkuar që neni 64 i Kushtetutës të mos ndryshohet por vetëm të ndërhyhet në nenin 68 i ku të shfuqizohet pika 1 e tij.
“Opozita propozon amendamentin për hapjen 100 % të listave të kandidatëve. Çdo ndryshim tjetër i njëanshëm është i papranueshëm, prish marrëveshjet e 5 Qershorit dhe 14 Janarit.
Opozita ka paraqitur qëndrimin që neni 64 i Kushtetutës nuk ka nevojë të ndryshohet.
Opozita ka paraqitur sot në Këshillin Politik qëndrimin që i vetmi ndryshim kushtetutës i nevojshëm dhe i mjaftueshëm që krijon mekanizmin për lista 100 % të hapura është si vijon: “Në nenin 68 të Kushtetutës, fjalia e tretë, e pikës 1, shfuqizohet.” Ky amendament duhet të reflektohet, nëpërmjet një procesi gjithëpërfshirës dhe transparent për qytetarët, nga të gjitha partitë politike dhe aktorët zgjedhorë, në Kodin Zgjedhor. Këto ndryshime duhet më pas të dërgohen për miratim në Parlament si një paketë e vetme.
Opozita ka rikonfirmuar se ndryshimet e tjera të propozuara nga Partia Socialiste cënojnë garën elektorale mes partive politike, 6 muaj përpara datës për regjistrimin në zgjedhje.
Opozita ka theksuar në mbledhjen e Këshillit Politik se ndryshimet e tjera të propozuara nga Partia Socialiste cenojnë rëndë barazinë e palëve në një proces zgjedhor. Ato janë hartuar dhe imponuar në mënyrë të njënashme të nga njëra palë, për ti shërbyer interesave të ngushta politike, në situatën politike të momentit, 6 muaj para regjistrimit në zgjedhjet e ardhshme”-njofton opozita e bashkuar.
