Policia ka dhënë detaje lidhur me ngjarjen e ndodhur mbrëmjen e sotme në Elbasan ku ka mbetur i vrarë një 23-vjeçar.
Shtetasi Regis Runaj fillimisht është plagosur me thikë por ka ndërruar jetë rrugës për në spital si pasojë e palgëve të marra.
Ngjarja ndodhi rreth orës 22:10 në lagjen Emin Matraxhiu në Elbasan.
Dyshohet se viktima kishte lidhje shoqërore me Emiljano Ramazanin i cili u vra në datën 20 korrik në rreth-rrotullimin e luleve në Elbasan.
Njoftimi i plotë:
Rreth orës 22:10, në lagjen “Emin Matraxhiu”, Elbasan, në rrethana ende të paqarta në një rrugicë të kësaj lagjeje është gjetur shtetasi R.R., 23 vjeç i plagosur me mjet të mprehtë ( thikë), i cili është transportuar në Spitalin Rajonal Elbasan, por si pasojë e plagëve të marra ka ndërruar jetë rrugës për në spital.
Shërbimet e Policisë me marrjen e njoftimit kanë shkuar menjëherë në vendngjarje dhe aktualisht vijon krehja e zonës për kapjen e autorit/ëve
Grupi hetimor ndodhet në vendngjarje duke punuar për zbardhjen e plotë të rrethanave të ngjarjes me qëllim identifikimin dhe kapjen e autorit/ëve.
