Dy pasagjerë nuk kanë pranuar të vënë maska për fytyrën dhe kaq ka mjaftuar që të plasë sherri mes tyre dhe pasagjerëve të tjerë në një avion që ishte nisur nga Amsterdami për në Ibiza.
Momenti është kapur në kamera dhe videoja tashmë është bërë virale në rrjet.
Pamjet tregojnë dy pasagjerë që flasin anglisht dhe përleshen me njëri-tjetrin ndërsa avioni ishte në fluturim.
Pasagjerët e tjerë dëgjohen duke u bërtitur dy burrave për të ndaluar duke u thënë “këtu ka fëmijë” dhe disa ndërhyjnë fizikisht për t’i ndarë.
“Stoppen nu, er zijn kinderen hiero!”Knokpartij op @klm vlucht naar Ibiza. Dronken passagier weigert mondkapje te dragen ✈️
Panic and violent brawl! Unruly passenger on board KLM flight,he refused to wear face mask 😷#incident #klm #avgeek #aviation #planespotting @KLM_press pic.twitter.com/RPM0g1Kqh9
— The Mic High Club Luchtvaart Podcast (@MicHighClub) August 2, 2020
Në fund të klipit, pasagjeri shihet i shtrirë në dysheme në rreshtin e aeroplanit, me duar të prangosura pas shpinës.
Disa pasagjerë të tjerë shihen pa maska për fytyrën. Të dy burrat u ndaluan me ndihmën e pasagjerëve të tjerë dhe më vonë u arrestuan nga policia spanjolle pas mbërritjes në Ibiza pasi piloti informoi autoritetet lokale.
