Dokumentet mbi bisedimet e tregtisë mes Mbretërisë së Bashkuar dhe SHBA, që rrodhën përpara zgjedhjeve të përgjithshme të vitit 2019, u vodhën nga një llogari e-mail që i përkiste deputetit konservator Liam Fox, raporton BBC.
Dokumentet u publikuan në internet dhe u përdorën nga Laburistët në fushatën 2019 për të pretenduar se NHS do të rrezikohej.
Qeveria e Mbretërisë së Bashkuar ka thënë pothuajse me siguri se Rusët kërkuan të ndërhyjnë në zgjedhje përmes dokumenteve.
Ndërkohë një hetim penal për rrjedhjen e dokumenteve është duke u zhvilluar.
Një zëdhënës i Agjencisë Kombëtare të Krimit konfirmoi se po udhëheq hetimin, por shtoi se ai nuk mund të komentojë më tej.
- Fox ishte sekretar i tregtisë ndërkombëtare nga korriku 2016 deri në korrik 2019.
Nuk është e qartë se kur u futën në llogarinë e tij dhe u vodhën informacionet.
Muajin e kaluar, Sekretari i Jashtëm Dominic Raab tha se qeveria kishte “besim të arsyeshëm” se aktorët rusë ishin përpjekur të ndërhyjnë në zgjedhjet e përgjithshme të dhjetorit 2019.
