Pronarët e lokaleve të dasmave në lezhë kanë zhvilluar një protestë ditën e sotme.
Ata pretendojnë se në zbatimin e kufizimeve të vendosura nga qeveria ka selektime dhe ligji nuk po zbatohet për të gjithë njësoj.
Pronarët e lokaleve theksojnë se policia po tregohet e ashpër ndaj lokaleve të dasmave në Bashkinë e Lezhës por nuk ndodh e njëjta gjë në Kurbin e Mirditë.
Sipas tyre, në këto qytete dasmat po zhvillohen normalisht madje kanë marrë edhe dasmat që janë anuluar në Lezhë.
Protesta vjen teksa ditët e fundit dhjetëra subjekte në Lezhë janë gjobitur nga policia për organizimin e dasmave.
(Video Credit: Balkanweb)
