Vendosni fjalën kyçe....

29-vjeçari në Tropojë humb jetën pas një aksidenti në punë, në pranga biznesmeni


Një 29-vjeçar ka mbërritur i pajetë ditën e djeshme në spitalin e qytetit të Bajram Currit. I riu me inicialet A.K, ishte punonjës në një biznes inertesh në fshatin Bujan.

Ai ka pësuar një aksident gjatë kohës që ishte duke rregulluar një makineri, që i ka shkaktuar atij vdekjen,

Policia e Tropojës ka vënë në pranga pronarin e biznesit ku ishte punësuar viktima, për shkelje të rregullave të mbrojtjes në punë. Sikur kjo të mos mjaftonte, ai u kap duke lëvizur me makinë, i dehur dhe pa leje drejtimi.

DETAJET E POLICISË

Specialistët e Seksionit për Krimet në Komisariatin e Policisë Tropojë arrestuan shtetasin Sh. M., 48 vjeç, banues në fshatin Bujan, pronar i një biznesi inertesh në fshatin Bujan.

Arrestimi i tij u bë pasi, më datë 04.08.2020, ka shkuar në spitalin e qytetit të Bajram Currit, pa shenja jete, një punëtor i këtij biznesi, shtetasi A. K. (M.), 29 vjeç, banues në Bujan, i cili gjatë kohës që ka qenë duke rregulluar një makineri, aksidentalisht ka gjetur vdekjen”.

Ndërkohë, specialistët e Seksionit të Trafikut Interurban dhe Urban Tropojë arrestuan në flagrancë shtetasin M. Q., 22 vjeç, banues në fshatin Tetaj, Tropojë, për veprën penale “Drejtimi i mjetit në mënyrë të parregullt”.

Arrestimi i tij u bë pasi, në aksin rrugor Bajram Curri – Fierzë, u kap duke drejtuar në gjendje të dehur dhe pa leje drejtimi, automjetin tip “Ford”.

Materialet u referuan në Prokurorinë pranë Gjykatës së Shkallës së Parë Tropojë, për veprat penale “Shkelja e rregullave të mbrojtjes në punë” dhe “Drejtimi i automjetit në mënyrë të parregullt”.


Leave a Reply

Your email address will not be published. Required fields are marked *