Dr Anthony Fauci ka zbuluar se ai dhe familja e tij janë detyruar të punësojnë personel për sigurinë personale pasi kanë marrë kërcënime me vdekje nga ata që kundërshtojnë punën e tij lidhur me pandeminë e koronavirusit.
Eksperti i sëmundjeve infektive në SHBA pranoi për CNN se ai është befasuar nga ngacmimet që ai, gruaja dhe tre vajzat e tij kanë marrë.
Gjatë një interviste, Fauci tha se kriza “nxjerr më të mirën e më të keqen prej njerëzve”.
Ai shtoi: “Marrja e kërcënimeve me vdekje për mua dhe familjen time dhe ngacmimin e vajzave të mia në atë pikë ku unë duhet të vendos personel sigurie, është e habitshme’.
Fauci tha se familja e tij ishte ‘mirë’ por e stresuar nga kërcënimet.
“Unë nuk do ta imagjinoja as në ëndrrat e mia më të egra që njerëzit që kundërshtojnë parime të pastra të shëndetit publik, janë aq të vendosur kundër dhe nuk u përlqen ajo që ju dhe unë them, duke u bazuar në botën e shkencës, saqë të kërcënojnë me të vërtetë.” – tha Fauci.
Dr. Fauci tells @drsanjaygupta that his family has gotten death threats and he’s had to get security. “I wouldn’t have imagined in my wildest dreams that people who object to things that are pure public health principles are so set against it,” he says. https://t.co/i9bzcluIf7 pic.twitter.com/9JghvHlQli
— CNN (@CNN) August 5, 2020
Doktor Fauci, i cili është pjesë e grupit të në ngritur kundër koronavirusit në Shtëpinë e Bardhë, tha se shumë prej kërcënimeve janë nga amerikanët që besojnë se ai po shtyn një axhendë të tijën personale.
Fauci ka pasur ekipin e tij personale të sigurisë që nga prilli. Gjatë një interviste të mëparshme për këtë temë në korrik, ai i quajti kërcënimet “pak shqetësuese”.
Doktor Fauci ka tre vajza rritura: Jennifer, 34 vjeç, Megan, 31 vjeç dhe Alison, 28 vjeç.
