Biznesmeni dhe pronari i mediave në Hong Kong, Jimmy Lai, është arrestuar dhe zyrat e gazetave të tij u bastisën nga policia pasi akuzohet se ka bashkëpunuar me forcat e huaja.
Kjo bazuar në ligjin e diskutueshëm të sigurisë të miratuar nga Kina në qershor, sipas BBC-së.
Lai ka qenë një zë i spikatur pro-demokracisë dhe një mbështetës i protestave që shpërthyen vitin e kaluar.
Në shkurt, 71-vjeçari, i cili gjithashtu ka nënshtetësinë në Mbretërinë e Bashkuar, u akuzua për grumbullim të paligjshëm si dhe për kërcënim. Por u lirua me kusht.
Jimmy Lai, who is a UK citizen, is handcuffed and and escorted to a van. Arrested for alleged foreign collusion, he is so far the highest-profile arrested after national security law was inserted by Beijing. Police says he is also arrested for committing fraud. #HongKongProtests pic.twitter.com/Vi4okmLhUv
— Ezra Cheung (@ezracheungtoto) August 10, 2020
Media shtetërore kineze Global Times e përshkroi zotin Lai si “përkrahës të rebelimeve” dhe për botimet e tij thotë se kanë kryer “nxitje të urrejtjes, përhapjen e thashethemeve dhe njollosje të autoriteteve të Hong Kongut dhe kontinentit për vite me rradhë”.
Global Times gjithashtu raportoi se dy djemtë e biznesmenit si dhe dy drejtuesit e vjetër të “Next Digital” ishin arrestuar gjithashtu.
Biznesmeni Jimmy Lai vlerësohet të ketë vlerë më shumë se 1 miliardë dollarë pasuri. Pasi bëri pasurinë e tij fillestare në industrinë e veshjeve, ai më vonë u fut në media dhe themeloi gazetën Apple Daily, e cila është shpesh kritike me autoritetet e Hong Kongut dhe kontinentit kinez.
Ai gjithashtu ka qenë vetë një aktivist kundër kontrollit gjithnjë e më të ngushtë të Pekinit në Hong Kong. Në vitin 2019 ai mbështeti protestat dhe mori edhe vetë pjesë në demonstrata.
