Prej disa kohësh, në drejtim të ish-deputetit të PS-së, tani drejtor i Top Channel, Ben Blushi, ka pasur akuza të rënda për afera korruptive.
Portali CNA ka publikuar dokumentet e lidhjet e Blushit me aferat e denoncuara, ndërsa ky i fundit ka parapëlqyer të heshtë…deri para pak ditësh kur shkroi një letër.
Blushi akuzohet për lidhje me aferën e inceneratorëve bashkë me Klodian Zoton e Mirel Mërtirin, aferë në të cilën është përfshirë nëpërmjes së shoqes, Eva Blushi, e cila është aksionere në kompaninë ‘EM Capital Group’ me 33% të aksioneve.
Koncesioni i inceneratorëve i kushton buxhetit të shtetit sipas të dhënave zyrtare qindra milionë euro, ndërsa çifti Blushi sipas CNA-së, rezulton i lidhur me këtë aferë.
Eva Blushi nëpërmjet firmës dhe 33% të aksioneve në kompani, ndërsa i dyti nëpërmjet mbrojtjes nga ekrani i televizionit kombëtar Top Channel.
Bashkëshortja e Ben Blushit, Eva Blushi është aksionere me 33% të aksioneve në kompaninë ‘EM Capital Group’ në Bullgari, një kompani e themeluar dy vite me parë, e cila më pas bleu aksionet e brandit ‘Lori Caffe’ të kompanisë ‘Valtelina Sh.p.k.’
Pronarët e inceneratorëve kanë krijuar një kompani në Bullgari me bashkëshorten e Ben Blushit. Kompania më pas ka ardhur në Tiranë dhe ka blerë 51% të aksioneve të ‘Valtelina SHPK’, e cila është në pronësi të Vjollca Hoxhës dhe trashëgimtarëve të Dritan Hoxhës, të cilët janë të njëjtët pronarë të Top Channel dhe të disa kompanive të tjera të trashëguara.
Një tjetër aferë e denoncuar që ka të bëjë me letrën që Blushi i shkroi të bijës pak ditë më parë, është ajo e transaksionit të shitblerjes së një pasurie në qytetin e Korçës. Sipas CNA-së, që e ka investiguar çështjen në fjalë, bëhet fjalë për një pronë me vlerë disa qindra milionë lekë të blerë për 30 mijë euro.
Transaksion në të cilin rezulton të jetë falsifikuar firma e vajzës së Blushit.
Gjatë periudhës së nënshkrimit të transaksionit rezulton se vajza e Blushit, Natalia, nuk ka qenë fare në Shqipëri ndërsa tre personat e dyshuar për falsifikimin e firmës janë babai i saj, Ben Blushi, e ëma Eva Blushi dhe noterja që ka hartuar aktin, Violeta Sulkaj.
Deri tani Blushi kishte heshtur për denoncimet e akuzat ndaj tij, por pas futjes së emrit të së bijës në histori vendosi të reagojë…me anë të një letre.
Kur të gjithë prisnin një përgjigjë profesionale, me argumente e dokumente të Blushit për akuzën e falsifikimit të firmës së të bijës, ai zgjodhi frëngjinë e shkrimtarit, duke shkruar një hartim patetik drejtuar së bijës.
Një përgjigjë mediokre që jo vetëm nuk shpjegon ndonjë gjë në lidhje me akuzat e rënda ndaj tij, por akoma me keq.
Tregon se Blushi vendosi të përdorë të bijën si parzmore, duke u përpjekur ta shfaqte fëmijën e tij si viktimë të pafajshme të luftës politike, kur në fakt është vetë ai që dyshohet se ka falsifikuar firmën e së bijës për një blerje të dyshuar si korruptive.
