Vendosni fjalën kyçe....

Facebook planifikon bashkimin e bisedave të instagram-it me ato të Messenger-it


Një përditësim i ri për rrjetin social Instagram sugjeron se pronari i saj, Facebook, ka nisur bashkimin e hapësirave për bisedime në këtë aplikacion bashkë me shërbimet e Messenger-it në Facebook.

Siç raporton “The Verge”, Facebook po planifikon të integrojë sistemet e bisedave për Instagram dhe Messenger. Ky përditësim është parë së fundmi në disa vende në Shtetet e Bashkuara të Amerikës, me përdoruesit që kanë marrë një njoftim përmes Instagram-it se “ka një mënyrë të re për mesazhe në këtë rrjet social”, dhe një listë veçorish e ku ishte përfshirë “biseda me miqtë që përdorin Facebook-un”.

 Përditësimi duket se zëvendëson ikonën e mesazheve direkte në Instagram me logon e re të Facebook Messenger-it.

Sipas raportimit, ende s’mund t’u dërgohen përdoruesve të Facebook-ut mesazhe përmes Instagram-it, por lëvizja sinjalizon se gjiganti teknologjik po i përmbahet planeve për bashkim të platformave përmes Messenger-it, Instagram-it dhe WhatsApp-it.


Leave a Reply

Your email address will not be published. Required fields are marked *