Pas takimit të enjten në një kala të ishullit mesjetar në Mesdhe, Emmanuel Macron i Francës dhe Kancelarja e Gjermanisë Angela Merkel bënë ofertën e një ndërmjetësimi të drejtuar nga BE për Bjellorusinë, ku policia ka goditur në protesta pas zgjedhjeve kundër Presidentit Aleksandër Lukashenko.
“Një dialog midis autoriteteve, opozitës dhe shoqërisë civile është thelbësor … Shpresojmë se ky dialog mund të vendoset nga vetë Bjellorusët,” tha Macron pas bisedimeve me Kancelaren gjermane Angela Merkel, raporton France 24.
Por Bashkimi Evropian “është i gatshëm të ndihmojë nëse roli ynë në ndërmjetësim mund të jetë i dobishëm nëse dëshirohet nga Bjellorusët së bashku me institucionet e tjera … përfshirë dhe Rusinë”, tha Macron.
Në një takim të BE një ditë më parë, liderët e BE thanë se nuk do ta njohin rizgjedhjen e Lukashenkos.
“Nuk ka dyshim se ka pasur shkelje masive të rregullave në zgjedhje,” u tha Merkel gazetarëve në Berlin pas një samiti të jashtëzakonshëm video me liderët e BE. “Zgjedhjet nuk ishin as të lira dhe as të drejta. Dhe kjo është arsyeja pse rezultati i zgjedhjeve nuk mund të njihet.” Gjermania aktualisht mban presidencën e radhës të gjashtë muajve të BE.
Brenda mureve të Fort de Bregancon, rezidenca tradicionale verore e udhëheqësve francezë, kancelarja gjermane dhe presidenti francez trajtuan çështjet më të ngutshme në agjendën globale.
Macron tha se ai dhe Merkel kanë diskutuar gjithashtu për ngritjen e tensioneve midis Greqisë dhe Turqisë për ujërat e diskutueshme të Mesdheut.
“Ne kemi një axhendë të përbashkët në Mesdheun Lindor,” tha ai. “Ne jemi duke qëndruar së bashku me Greqinë” dhe dëshirojmë të “sigurojmë stabilitet për rajonin”, ndërsa “favorizojmë de-përshkallëzimin“.
