Një sipërfaqe me ullinj në Peqin është përfshirë nga flakët të cilat kanë dalë jashtë kontrollit.
Zjarri është afruar pranë banesave të qytetit dhe po i afrohet edhe spitalit.
Në pamjet e publikuara nga Abc News shihet qartë flakët që djegin sipërfaqen me ullishte dhe afërsinë e tyre me zonën e banuar.
Ndërkohë zjarrfikëset nga të gjitha zonat përreth kanë shkuar për të shuar flakët. Për të bërë të mundur shuarjen e tyre është kërkuar edhe ndihmë nga ajri.
Vatra e zjarrit u aktivizua mëngjesin e sotëm dhe përfshiu një sipërfaqe të konsiderueshme me ullinj dhe shkurre.
