Një sulm i dyshuar terrorist kundër një tubacioni të madh gazi në Damask ka çuar në ndërprerje të mëdha të energjisë në të gjithë Sirinë, sipas ministrisë së Energjisë të vendit.
Shpërthimi ‘mund të jetë shkaktuar nga një akt terrorist’ dhe çoi në ndërprerje të energjisë në të gjithë Sirinë, njoftoi SANA, duke përmendur Ministrin e Naftës dhe Burimeve Minerare.
“Pas vlerësimit të situatës, u bë e qartë se shpërthimi që ndodhi në tubacionin e gazit u shkaktua nga një sulm terrorist.” – thuhet në deklaratën e ministrisë.
Ndërsa nuk kishte raportime për lëndime gjatë shpërthimit, disa foto dhe video kanë qarkulluar në mediat sociale duke treguar një flakë masive që përfshiu tubacionin e gjymtuar.
