Mjekët që u kujdesën për Alexei Navalny-n në spitalin e Omskut, thanë se nuk kishin gjetur asnjë bllokues të kolinesterazës në gjakun e tij gjatë analizave të kryera.
Deklarata është bërë nga mjeku toksikolog, Alexander Sabayev, gjatë një konference për shtyp. Ai hodhi poshtë pretendimin e spitali gjerman Charite në Berlin ku Navalny po kurohet.
Sabayev theksoi se aktivisti ishte ekzaminuar për një gamë të gjerë të lëndëve narkotike, substancave sintetike, drogave psikhedelike dhe substancave mjekësore dhe rezultatet ishin negative.
“Kur Alexey Navalny u pranua në klinikë, ai u ekzaminua për një gamë të gjerë të lëndëve narkotike, substanca sintetike, ilaçe psikhedelike dhe substanca mjekësore, duke përfshirë frenuesit e kolinesterazës. Rezultati ishte negativ. Për më tepër, ai nuk kishte një pamje klinike specifike për helmim me substanca nga grupi i frenuesve të kolinesterazës.” – tha Sabayev, i cili është gjithashtu toksikologu më i mirë në Rajonin Omsk.
“Ne jemi të gatshëm të ndajmë me kolegët tanë gjermanë mostra të biomaterialit të Alexey Navalny-t për studimin e tyre gjithëpërfshirës.” – shtoi ai.
Të enjten e kaluar, një aeroplan që transportonte Navalny-n bëri një ulje urgjente në Omsk pasi u sëmur papritmas në mes të fluturimit.
Ai u dërgua në spital në gjendje kome. Dy ditë më pas, ai i transportua nga Rusia drejt Gjermanisë për trajtim mjekësor. Mjekët e tij gjermanë lëshuan një deklaratë mbi gjendjen e Navalny-t të hënën duke thënë se ai ishte helmuar.
“Gjetjet klinike tregojnë helmim me një substancë nga grupi i frenuesve të kolinesterazës. Substanca specifike e përfshirë mbetet e panjohur.” – thanë ata në deklaratë.
