Facebook ka pranuar të paguajë taksat e prapambetura të qeverisë franceze në shumën prej 106 milionë € për të zgjidhur një mosmarrëveshje mbi të ardhurat e fituara në vend.
Pagesa mbulon dekadën e fundit të operacioneve të saj franceze nga 2009.
Gjigandi i rrjeteve sociale gjithashtu ka pranuar të paguajë 8,46 milion € në taksa mbi të ardhurat në Francë për vitin 2020 – 50% më shumë se në vitin 2019.
“Ne paguajmë taksat që i kemi borxh në çdo treg që veprojmë,” tha një zëdhënëse e Facebook.
“Ne i marrim seriozisht detyrimet tona tatimore dhe punojmë ngushtë me autoritetet tatimore në të gjithë botën për të siguruar përputhjen me të gjitha ligjet e zbatueshme të taksave dhe për të zgjidhur çdo mosmarrëveshje, siç kemi bërë me autoritetet tatimore franceze.“
Gjigandi i rrjeteve sociale nuk dha detaje të mosmarrëveshjes së taksave, por Franca po i nxit kompanitë e teknologjisë të paguajnë më shumë taksa brenda vendit ku punojnë.
Gjigandë të tjerë të teknologjisë si Google, Apple dhe Amazon kanë arritur marrëveshje të ngjashme me autoritetet tatimore franceze.
Facebook ka thënë se që nga viti 2018, ajo kishte ndryshuar strukturën e saj të shitjeve në mënyrë që “të ardhurat nga reklamuesit e mbështetur nga ekipet tona në Francë të regjistrohen në këtë vend“.
