Greqia, Qiproja, Franca dhe Italia kanë nisur ditën e sotme një stërvitje të përbashkët ushtarake në jug të Qipros.
Stërvitja vjen teksa tensionet në Mesdhe mes Turqisë e Greqisë kanë arritur një pikë kritike. “Eunomia” është përcaktuar për t’u zhvilluar nga 26 gushti deri më 28 gusht dhe janë pjesë e bashkëpunimit midis katër vendeve për të adresuar tensionet në rritje në Mesdhe.
Në një deklaratë, Ministri grek i Mbrojtjes, Nikos Panagiotopoulos tha se ‘nisma synon të tregojë përkushtimin e katër vendeve evropiane të Mesdheut ndaj sundimit të ligjit’. Ndërkohë ministrja franceze e Mbrojtjes, Florence Parly, shkroi në Tëitter se zbatimi i ligjit ndërkombëtar duhet të jetë rregull.
“Mesdheu lindor po kthehet në një zonë tensioni. Respektimi i ligjit ndërkombëtar duhet të jetë rregull dhe jo përjashtim. Ai nuk duhet të jetë një shesh lojrash për ambiciet e disave.” – shkroi ajo.
Në pjesën e diskutueshme të Mesdheut, Turqia e Greqia kanë dislokuar anijet e luftës pa dhënë shenja tërheqjeje.
