Drejtori i Përgjithshëm i Policisë së Shtetit, Veliu, i ka dorëzuar zv.drejtoreshës së Përgjithshme, Aida Hajnaj, në ditën e fundit të punës në institucionin që drejton një certifikatë vlerësimi.
Certifikata është dhënë për shërbime të dalluara me motivacionin: “Për merita të veçanta, profesionalizmin dhe përkushtimin e treguar në përmbushjen cilësore të detyrave dhe kontributin e dhënë gjatë viteve të punës për zhvillimin e vazhdueshëm të standarteve policore, në shërbim të Policisë së Shtetit”.
Hajnaj është emëruar drejtoreshë e Byrosë Kombëtare të Hetimit pak kohë më parë.
Veliu ka bërë publike edhe disa ndryshime në kupolën drejtuese të policisë.
Albert Dervishaj, është emëruar zv. drejtori i Përgjithshëm në vend të Hajnajt. Idajet Faskaj është emëruar drejtor i Drejtorisë së Mbrojtjes së Dëshmitarëve ndërsa Pëllumb Seferi, është emëruar Drejtor i Departamentit të Marrëdhënieve Ndërkombëtare.
