Rusia ka zbuluar një pajisje që thuhet se është e aftë të zbulojë dhe analizojë patogjenët e ajrit si bakteret, toksinat dhe viruset – përfshirë Covid-19.
Pajisja lajmëron për rrezik të mundshëm brenda sekondave dhe më pas përcakton burimin e tij.
E quajtur ‘Detektor Bio’, pajisja u shfaq nga fabrika KMZ, më e njohur si prodhuesja e kamerave Zenit, gjatë forumit ushtarak-industrial ‘Army 2020’ pranë Moskës të premten.
Ekipi i tij zhvillues përfshin Institutin e Epidemiologjisë dhe Mikrobiologjisë Gamaleya në Moskë, i njëjti institut që ka prodhuar vaksinën e parë të regjistruar në botë Covid-19, ‘Sputnik V’.
Detektori Bio nuk është vegël xhepi dhe duket disi si një frigorifer, për shkak të madhësisë së tij. Ai ka në brendësi një seri laboratorësh të vegjël, secili duke kryer testet e veta.
Grumbulli i mini-laboratorëve lejon që pajisja të zbulojë koronavirusin, ose çdo rrezik tjetër ajror që lundron duke zhvilluar dy cikle analize për të dhënë një rezultat të qartë, sipas krijuesve të saj.
Gjatë fazës së parë ai mbledh mostra të ajrit përreth dhe në dhjetë deri në pesëmbëdhjetë sekonda mund të alarmojë për çdo gjurmë të një virusi, bakteresh ose një toksine.
