Hajdutët u larguan me nëntë milion euro pas një grabitje të armatosur në qytetin juglindor francez të Lyon të premten mbi një automjet të blinduar të sigurimit, thanë prokurorët.
Vjedhja besohet të jetë më e madhja e parave cash në Francë që kur grabitësi famëkeq Toni Musulin në 2009 grabiti 11.6 milion euro (13.8 milion dollarë), shumica e të cilave më pas u rikuperua.
Automjeti u sulmua rreth (9:00 paradite me kohën lokale (0700 GMT)) nga disa individë të armatosur ndërsa dilte nga një degë e Bankës së Francës në Lyon.
Askush nuk u lëndua në sulmin ndaj automjetit që i përkiste kompanisë së sigurisë Loomis “por humbjet arrijnë në nëntë milion euro (rreth 10.7 milion $)”, thanë prokurorët në një deklaratë për AFP.
“Autorët kanë arritur të largohen menjëherë pasi kanë kryer veprën.”
Raportimet lokale thanë se dy furgonë bllokuan mjetin e blinduar, një para dhe një mbrapa.
Grabitësit kërcënuan shoferin, morën paratë dhe ikën në dy automjete që më vonë u gjetën të djegura.
