Një grua ka ndërruar jetë pas një aksidenti të ndodhur ditën e sotme në Golem.
Në aksidentin e ndodhur tek vendi i quajtur Rrethi i Golemit janë përfshirë tre mjete.
Të plagosurit janë dërguar në spital ku një prej tyre ka ndërruar jetë.
Njoftimi
Më datë 31.08.2020, rreth orës 12:00, në aksin rrugor tek Rrethi i Golemit në drejtim të Malit të Robit, janë përfshirë në aksident 3 mjete me drejtues shtetasit R.R., J.L., dhe M.D.
Si pasojë e përplasjes është dëmtuar drejtuesja e mjetit M.D., dhe pasagjerja në mjetin e saj, të cilat u dërguan menjeherë në spital, dhe ndodhen nën kujdesin e mjekëve.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e plotë të rrethanave të ngjarjes.
