Pas pushimeve, socialistët e nisin vrullshëm sesionin e ri parlamentar me një mbledhje sërish jashtë zyrave.
Kryeministri Edi Rama do të mbledhë grupin e tij parlamentar pasditen e sotme, në qytetin e Elbasanit. Mbledhja do të nisë rreth orës 16:00.
Në këtë mbledhje të grupit parlamentar, do të diskutohet axhenda për sezonin e ri që do të nisë nga java e ardhshme.
Në fokus do të jetë thirrja e Asamblesë Kombëtare për zgjedhjen e kryesisë së re, marrja e porosive për nisjen e fushatës elektorale.
Gjithashtu socialistët do të informohen për ndryshimet e reja që do të ndërmerren për Kodin Zgjedhor me qëllim hapjen e listave.
